សុខភាពស្ដ្រី

​ចង់បាន​ទ្វារមាស​មាន​សុខភាព​ល្អ​ទេ​? អញ្ចឹង​ព្យាយាម​ញ៉ាំ​អាហារ​ទាំងនេះ​ទៅ​!

​ការបង្ក​រោគ និង​ការ​រលាក​នៅ​ទ្វារមាស​គឺជា​រឿង​ឈឺចាប់​ខ្លាំង​ណាស់​។ ការ​រមាស់ ក្រហាយ ឡើង​ក្រហម ឬ​រាល់​ការ​មិន​ស្រួល​គ្រប់​ប្រភេទ​ក្នុង​រាងកាយ​សុទ្ធ​តែ​អាច​ធ្វើឲ្យ​អ្នក​ពិបា​កគេង និង​គ្មាន​ផា​សុកភាព​រស់​នៅ​ឡើយ​។ ខាងក្រោម​នេះ​គឺជា​អាហារ​មួយចំនួន​តូច​ដែល​អ្នក​ត្រូវ​តែ​បញ្ចូល​ទៅ​ក្នុង​របប​អាហារ​ប្រចាំ​ថ្ងៃ​បើសិណជា​ចង់​ឲ្យ​ទ្វារ​មាសមាន​សុខភាព​ល្អ​។

យ៉ា​អួ​
បច្ចុប្បន្ននេះ យ៉ា​អួរ​គឺ​ផ្ទុក​ទៅ​ដោយ​ប្រូ​បាយ​អូ​ទិច ដែល​វា​មាន​លក្ខណៈ​ដូចគ្នា​នឹង​បាក់តេរី​ល្អៗ​នៅក្នុង​ទ្វារមាស​ដែរ សម្រាប់​គ្រប់គ្រង​កម្រិត pH របស់​វា​។ ប្រូ​បាយ​អូទិ​ចក៏ជួយ​ប្រឆាំងនឹង​ការបង្ករោគ និង​បង្កើន​សុខភាព​ផ្លូវ​រំលាយ​អាហា​រដែរ​។

ទឹក​ក្រេន​បឺរី​
ភេសជ្ជៈ​មួយ​នេះ​អាច​ជួយ​ការពារ​ផង និង​ព្យាបាល​ផង ចំពោះ​ការបង្ក​រោគ​នៅ​ផ្លូវទឹក​ម៉ូ​ត្រ​។ សារធាតុ​លក្ខណៈ​ដូច​អាស៊ីត​ក្នុង​ទឹក​ផ្លែឈើ​មួយ​នេះ​ក៏​អាច​ថែរក្សា​សុខភាព​ទ្វារមាស​ឲ្យ​កាន់តែ​មាន​ប្រសិទ្ធភាព​ផងដែរ​។ ជាមួយគ្នានេះដែរ ចូរ​កាត់បន្ថយ​ការ​ញ៉ាំ​ជាតិ​កាហ្វេ​អ៊ី​ន និង​គ្រឿង​ស្រវឹង​ផង ព្រោះ​វា​ត្រូវបាន​គេ​ស្គាល់​ថា​ជាហេតុ​នាំ​ឲ្យ​រលាក​ប្លោកនោម​។

ដំឡូងជ្វា​
សូកូឡា​ខ្មៅ​សម្បូរ​ទៅដោយ​អង់​ទី​អុក​ស៊ីដង់ និង​អាច​បង្កើន​មុខងារ​ផ្លូវភេទ ព្រមទាំង​ជួយ​ថែរក្សា​សុខភាព​ទ្វារមាស​បាន​យ៉ាង​ល្អ​ទៀតផង​។

គ្រាប់​ផ្លែ​អាល​ម៉ុន និង​គ្រាប់​ល្ពៅ​
គ្រាប់​ធញ្ញជាតិ​ទាំងពីរ​នេះ​សម្បូរ​ទៅ​ដោយ​ជាតិ​ស័ង្គសី ដែល​អាច​សម្រួល​ដល់​វត្ត​រដូវ​ផង និង​អ័រម៉ូន​ផង​។ ជាតិ​ស័ង្គសី​ត្រូវបាន​គេ​ស្គាល់​ថា​ជា​សារធាតុ​ជំរុញ​ដល់​អារម្មណ៍​កាន់តែ​ល្អ និង​ពង្រឹង​ដល់​ប្រព័ន្ធ​ភាពស៊ាំ​ផងដែរ​។

សណ្តែកសៀង​
សណ្តែកសៀង​ផ្ទុក​សារធាតុ Phytoestrogens ដែល​អាច​ជយ​យ​ថែរក្សា​ភាព​រំអិល​ក្នុង​ទ្វារមាស​បាន​។ អ្នក​ក៏​អាច​ញ៉ាំ​សណ្តែកសៀង​ជា​លក្ខណៈ​តៅហ៊ូ​បានដែរ​៕

ប្រែ​សម្រួល​៖ វេ​ជ្ជ​. ម៉េង សុខ​សៀន​ ​
ប្រភព​៖ curejoy

- ហាមដាច់ខាតការយក​អត្ថបទ ពីវេបសាយ www.health.com.kh ដោយគ្មានការអនុញាតិ បើលោក លោកស្រីត្រូវការអត្ថបទសូមទំនាក់ទំនង 085 456 289

ថ្ងៃទី30  មិថុនា ឆ្នាំ 2017

រាល់​ការ​បញ្ចេញ​មតិយោបល់​មិន​ឆ្លុះ​បញ្ចាំង​ពី​ទស្សនៈ​ និង​ការ​ទទួលខុសត្រូវ​របស់​វេ​ប​សាយ​www.health.com.kh​ឡើយ​។

Free Download

App Store Google play